Lomba Nyanyi Lagu Dolanan Anak

Sleman, www.jogjatv.tv – Kanthi ancas kangge memetri kagunan budaya tilaran nenek moyang, Pemerintah Kecamatan Depok, Sleman, nggelar lomba nyanyi lagu dolanan anak, tataran TK lan SD sarta lomba sekul wiwit, tumrap warganing PKK mapan ing Pendhapi Kecamatan Depok, Sleman, dinten Kemis (12/5) siyang.

Salebeting lomba nyanyi lagu dolanan anak, para pamupu lomba nyanyi maneka lagu dolanan ingkang monjo ing taun 1970 an, antawisipun lagu Padang Bulan, Cublak-Cublak Suweng, Jaranan lan Jamuran. Para pamupu lomba boten namung nyanyi kemaown nanging ugi jejogetan, anut wirama tembang dene salebeting lomba sekul wiwit ingkang dipun biji, magepokan ubarampe upacara wiwit, karesikan lan raosipun.

Miturut Sekretaris Kecamatan Depok, Pramono, ancasipun nggelar lomba nyanyi lagu dolanan anak lan lomba sekul wiwit, kangge mahargya pengetan ambal warsa sa abad Kabupaten Sleman sarta kangge njurung raos tresna masyarakat dhateng budaya adiluhung tilaranipun leluhur. ( Subardi )

Artikel Terkait

Festival Wayang Bocah

13 Mei 2016 09:07

Cokro Pamungkas Nggegegi Keistimewaan DIY

13 Mei 2016 09:03

Progam Pembangunan Rumah Tak Layak Huni

13 Mei 2016 09:00

Nyadran Gunung Genthong

13 Mei 2016 08:58