Kodim 0732 Nyawisaken Rest Area Tumrap Pemudik
Sleman, www.jogjatv.tv Kangge biyantu para pemudik, Kodim 0723 Sleman, nyawisaken 2 rest area utawi tempat istirahat tumrap pemudik. Rest area punika sedaya jinangkepan fasilitas ingkang saged dipun ginakaken kanthi lelahanan lan dipun jagi dening warganing TNI.
Dhateng rest area cumawis tempat tidur lan unjukan ingkang saged dipun ginakakaken kanthi lelahanan supados pemudik saged ngaso kanthi sekeca lan aman.
Miturut komandan kodim 0732 Sleman, Letkol ARM Joko Sujarwo, lebaran samangke, kodim 0732 Sleman, nyawisaken 2 rest area, dhateng pelataran Makodim Sleman Jalan Magelang Sleman sarta dhateng pelataran Koramil Kecamatan Depok, Jalan Solo. Kekalih rest area kasebat bikak wiwit tanggal 1 Juli ngantos sasampunipun lebaran benjing. Letkol ARM Joko Sujarwo ngajab para pemudik ingkang ngantuk lan kesayahen saged ngaso dhateng papan kasebat.
Letkol ARM Joko Sujarwo mratelakaken, ngantos samangke, pemudik asring dados korban kadurjanan. Awit saking punika, para pemudik kedah ngatos-atos lan waspada menawi badhe ngaso dhateng papan tartamtu. ( Subardi )
Artikel Terkait
Berita Terbaru
