Kepyakan FKY Kabupaten Sleman

Sleman, www.jogjatv.tv Pemkab Sleman lumantar Dinas Kebudayaan dan Pariwisata Kabupaten Sleman, nggelar Festival Kesenian Yogyakarta (FKY) Kabupaten Sleman taun 2016 ing parkiran iring ler Lapangan Denggung Sleman. FKY dipun gelar tigang dinten, wiwit tanggal 25 ngantos 27 Agustus bikak jam 10.00 WIB ngantos ndalu.

Gumelaring festival dipun kepyakaken dening Wakil Bupati Sleman, Sri Muslimatun, dinten Kemis (25/8) sonten. Kepyakan festival ugi dipun regengaken kirab budaya sarta maneka kridha seni saking 17 kecamatan sa Kabupaten Sleman, antawisipun seni baduwi, tari, pethilan ringgit tiyang, punokawan, ogoh-ogoh sarta maneka patung wohing pakaryan Warga Sleman. Miturut data Kantor Dinas Kebudayaan dan Pariwisata Sleman, taun 2016 cacahing kelompok seni ing Sleman wonten 329 nanging ingkang gadah nomor induk saweg 75 lembaga budaya. ( Subardi )

Artikel Terkait

Karnaval Budaya Pengetan Dinten Kamardikan

27 Agustus 2016 15:41

Bolu Sawo

27 Agustus 2016 15:40

Blantik Kewan Kurban

27 Agustus 2016 15:39

Wacana Kenaikan Harga Rokok Resahkan Petani Tembakau

26 Agustus 2016 16:57