Gedung SD Risak

Sragen, www.jogjatv.tv Gedung SD Negeri 2 Cepoko ing tlatah Sumberlawang, Sragen, 15 taun pungkasan boten pikantuk kawigatosan saking pemerintah. Tembok gedung sekolah benthet lan pondhasinipun mingset jalaran sawetawis polar ambles. Wewangunan gedung dhoyong lan mutowatosi rebah, makaten ugi pager sekolah.

Kepala SD N 2 Cepoko, mratelakaken sampun makaping-kaping ngintunaken proposal perbaikan nanging ngantos samangke dereng pikantuk tanggapan gumathok saking pemerintah kabupaten. Boten namung kepala sekolah samangke, para kepala sekolah ingkang lami ugi tansah ngajengaken proposal perbaikan ewa semanten ngantos samangke dereng dipun tanggapi.

Jalaran kawontenan gedung sakalangkung bebayani, para guru gadhah gagasan nyuwungaken ruangan lan pintunipun dipun tutup supados lare-lare boten mlebet ruangan kasebat. Kangge sawetawis wekdal, siswa kelas IV dipun pindah dhateng Gedung Polindes ingkang prasaja.

Sinaosa kawontenan gedung bebayani nanging sawetawis ruangan tetep dipun ginakaken kangge Ujian Sekolah. ( Heru Kristanto )

Artikel Terkait

Amazing Batik

20 Mei 2016 16:23

Tari Astungkara Sembada

20 Mei 2016 15:50

Reparasi Mesin Ketik

20 Mei 2016 15:48

Regi Sembako Wiwit Mindhak

20 Mei 2016 15:41