Desa Banyuraden Majeng Lomba Toga Nasional

Sleman, www.jogjatv.tv Sasampunipun sasab dados juara setunggal lomba Tanaman Obat Keluarga (Toga) tataran DIY, Desa Banyuraden, Kecamatan Gamping Sleman, makili DIY majeng lomba toga tataran nasional. Dinten Kemis (22/9) siyang, toga Desa Banyuraden dipun biji dening tim penilai lomba toga nasional.

Pambiji dipun telengaken dhateng Padukuhan Modinan lan Geplakan, Desa Banyuraden. Kajawi nyemak admnistrasi, tim pambiji lomba ingkang dipun pandhegani dening Mei Narwati ugi tetinjo tanaman obat keluarga dhateng kalih padukuhan kasebat.

Wonten ing pambagyanipun, ketua tim penilai, Mei Narwati mratelakaken lomba toga tataran nasional kapantha dados tigang kelompok. Inggih punika lomba toga tumrap kelompok wilayah desa, kota lan kelompok desa terpencil dene Desa Banyuraden, kalebet kelompok lomba toga desa lan samangke mlebet empat besar nasional, rebat unggul kaliyan tiga desa wakil saking Provinsi Lampung, Riau lan Gorontalo.

Bupati Sleman, Sri Purnomo nampi lampahing lomba toga tataran nasional samangke awit dados kalodhangan kangge njurung gregetipun masyarakat budidaya tanaman obat keluarga kangge nanjakaken pekawisan griya. ( Subardi )

Artikel Terkait

Budidaya Sirsat

26 September 2016 16:04

70 Persen Margi Aspal Ing Sleman Dereng Jangkepi Syarat

26 September 2016 16:02

Pelangi Budaya Bumi Merapi

26 September 2016 16:01

Festival Dolanan Anak Tradisional

26 September 2016 15:59