Bersih Sendang Lawang

Magelang, www.jogjatv.tv Warga Dhusun Ngentak , Desa Sumber , Kecamatan Dukun , Kabupaten Magelang, Jawa Tengah nggelar upacara Bersih Sendang Lawang. Warga ingkang ngestreni upacara bekta sesaji, antawisipun tumpeng jangkep lawuhipun sarta asil wulu wedaling bumi dhateng sendang. Upacara kawiwitan dedonga sesarengan, kalajengaken kirab, ngarak tumpeng cacah 70 lan asil wulu wedaling bumi, saking sendang tumuju bale dhusun ingkang tebihipun 2 kilometer. Sasampunipun kirab warga dedonga sesarengan dhateng balai dusun. Pangrasuk Agama Islam dzikiran lan tahlilan dene Umat Katolik dedonga miturut kapitadosanipun. Sasampyunipun dedonga, warga lajeng dahar kembul. Miturut sesepuh warga, Wiryanto, Bersih Sendang Lawang inggih wujud pratelan raos syukur awit sih nugraha gusti ingkang hakarya jagat, awit lestarining toya sendang.

Upacara bersih sendang lawang inggih salah satunggaling kupiya warga salebeting njagi lestarining sumber toya. ( Yuki Pramudya )

Artikel Terkait

Warga Nampi Bantuwan Dana Desa

28 Mei 2016 10:32

Sadranan Warga Pereng Merapi

28 Mei 2016 10:30

Museum Perjuangan Expo 2016

28 Mei 2016 10:29

Lomba Cipta Seni

28 Mei 2016 10:27